Գեղարքունիքի մարզի Նորատուս գյուղի մի քանի հարյուր բնակիչներն այսօր՝ մայիսի 3-ին, մի քանի ժամ փակ են պահել Երեւան-Սեւան մայրուղին:
Նորատուսցիները բողոքում են խեցգետնի արտահանելու համար սահմանված բարձր հարկերի դեմ:
«Ռակի արտահանման վճարները ավելավում էին ամեն անգամ: Հիմա այնքան է դառել, որ աշխատելը բացարձակ ձեռք չի տալիս: Արտահանման գումարն այնքան է, որքան ռակի մեկ կիլոգրամը»,- NEWS.am-ին ասաց նորատուսցիներից մեկը:
Նորատուցիները մի քանի ժամ փակ են պահել ճանապարհը, մարզպետարանից աշխատակից է գնացել, խոստացել, որ խնդիրը կլուծվի, ինչից հետո նրանք բացել են ճանապարհը: