Վերաքննիչ դատարանում քիչ առաջ մեկնարկել է «Սասնա ծռեր» խմբի անդամ Պավլիկ Մանուկյանի խափանման միջոց կալանավորումը փոխելու մասին միջնորդության քննությունը:

NEWS.am-ի թղթակիցը հաղորդում է, որ ազատամարտիկին տեղափոխել են դատարան: Նրան դատարանի առջեւ դիմավորել են «Պավլիկ, Պավլիկ» վանկարկումներով:

Նշենք, որ Պավլիկ Մանուկյանին մեղադրանք է առաջադրվել Քրեական օրենսգրքի 219-րդ հոդվածի 3-րդ մասով, որը սահմանում է շենքեր, շինություններ, տրանսպորտի, հաղորդակցության կամ կապի միջոցներ զավթելը և 235-րդ հոդվածով` ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը:

Հիշեցնենք, որ Պավլիկ Մանուկյանը եւ նրա որդին ոտքերի հատվածում հրազենային վիրավորում էին ստացել ՊՊԾ գնդում տեղի ունեցած փոխհրաձգության հետեւանքով։