Թուրքիայի վարչապետ Ռեջեփ Թայիփ Էրդողանը Հոփա քաղաքում նախընտրական հանրահավաք անցկացնելուց հետո կուսակցական ավտոբուսով ուղղաթիռի կայանման վայր է մեկնել, որի ընթացքում միջադեպ է տեղի ունեցել։
Ավտոբուսը, որի մեջ գտվել է Էրդողանը արագ թափ է հավաքել եւ հեռացել միտինգի վայրից, քանի որ տարբեր խմբեր քարկոծել են ավտոբուսը։ Երբ ավտոբուսը 300 մետր էր հեռացել միտինգի վայրից, վարչապետի թիկնապահներից մեկը կորցնելով հավասարակշռությունը ավտոբուսից վայր է ընկել եւ վրաերթի ենթարկվել վարչապետի անվտանգությունն ապահովող մեքենաներից մեկի կողմից։
Այդ ընթացքում մթնոլորտը շիկացել է, որի պատճառով թիկնապահները սկսել են օդ կրակել։ Վնասվածքներ ստացած թիկնապահը տեղափոխվել է հիվանդանոց։
Նշենք, որ Հոփա քաղաքը միտինգից առաջ արդեն մարտի դաշտի էր վերածվել։ Բնակչությունը բողոքել է Էրդողանի ժամանման դեմ, որի ընթացքում ոստիկանությունը սկել է ուժ կիրառել՝ օգտագործելով ջրցան մեքենաներ եւ արցունքաբեր գազ։ Ոստիկանության գործողությունների հետեւանքով մի տարեց ուսուցիչ սրտի կաթված է ստացել եւ տեղում մահացել։