Ջորջ Քլունիի կինը՝ հայտնի փաստաբան Ամալ Ռամզի Քլունին, Հայաստանը կներկայացնի Մարդու իրավունքների եվրոպական դատարանում: Այդ մասին Asbarez թերթում հրապարակված իր հոդվածում գրում է «Քալիֆորնիա Քուրիեր» ամերիկյան թերթի խմբագիր Հարութ Սասունյանը:
Ամալ Ալամուդին «Դողու Փերինչեքն՝ ընդդեմ Շվեյցարիայի» գործով, (որը տեղի կունենա հաջորդ ամիս՝ Ստրասբուրգում) Հայաստանը ներկայացնող փաստաբաններից մեկը կլինի:
Սասունյանի խոսքով՝ Հայաստանը կներկայացնի ուժեղ փաստաբանների խումբ, այդ թվում՝ Ջեֆրի Ռոբերթսոնը, ինչպես նաեւ nրա գործընկեր Ամալ Ալամուդինը: Հայաստանը նաեւ կներկայացնի Մարդու իրավունքների եվրոպական դատարանում Հայաստանի կառավարության լիազոր ներկայացուցիչ, գլխավոր դատախազ Գեւորգ Կոստանյանն ու Էմիլ Բաբայանը:
Հիշեցնենք, որ սեպտեմբերի 26-ին ՄԻԵԴ-ի մեծ պալատը հաստատել է Հայաստանի մասնակցության հնարավորությունը: Նիստը նախատեսված է 2015թ հունվարի 28-ին: Մինչ այդ` հայկական կողմը գործի վերաբերյալ իր դիրքորոշումը ՄԻԵԴ-ի Մեծ պալատին կներկայացնի գրավոր, իսկ հունվարի 28-ի նիտում, նաեւ բանավոր հանդես գալու հնարավորություն կունենա:
