News
Լրահոս
News
Ուրբաթ
Հոկտեմբեր 22
Տեսնել լրահոսը

Երեւանում ընթանում է հայ-ռուսական ռազմատեխնիկական համագործակցության հարցերով միջկառավարական հանձնաժողովի 10-րդ հոբելյանական նիստը։

Այն մեկնարկել է հունվարի 18-ին եւ կտեւի մինչեւ հունվարի 21-ը։ Նիստն ընթանում է համանախագահներ ՀՀ պաշտպանության փոխնախարար Ալիկ Միրզաբեկյանի եւ ՌԴ Ռազմատեխնիկական համագործակցության դաշնային գործակալության փոխնախագահ Կոնստանտին Բիրյուլինի ղեկավարությամբ։ Նիստին նաեւ  ներկա է Հայաստանում ՌԴ դեսպան Իվան Վոլինկինը։

Նիստի մասնակիցներին ողջույնի խոսք է հղել ՀՀ պաշտպանության նախարար Սեյրան Օհանյանը։ Նախարարը նշել է, որ ուշադիր հետեւում է հանձնաժողովի աշխատանքներին եւ արձանագրել է դրական դինամիկա։ Նրա խոսքով՝ հանձնաժողովի գործունեությունը նպաստում է երկու երկրների պաշտպանունակության բարձրացմանը, տարածաշրջանում անվտանգության եւ կայունության ամրապնդմանը։ Օհանյանն ընդգծել է, որ երկու պետությունները անվտանգության եւ տնտեսության միասնական տարածքում են գտնվում։  Պաշտպանության  նախարարը շնորհակալություն է հայտնել ռուսական կողմին համագործակցության եւ ներքին գներով սպառազինություն մատակարարելու համար, ինչը ՀԱՊԿ ընդհանուր սահմանից հեռու գտնվող Հայաստանի համար զսպման մեխանիմզների հիմք է հանդիսանում։

Իր հերթին Կոնստանտին Բիրյուլինը նշել է համագործակցության բարձր մակարդակը։ Նրա խոսքով՝ վերջին տարիներին մի շարք կարեւոր հարցեր են լուծվել։ Գործակալության փոխնախագահը նշել է, որ իրավական բազայի կատարելագործումը թույլ կտա իրականացնել հայ եւ ռուս գործարարների ինտեգրացիայի հերթական փուլը։

Նիստի ընթացքում պլանավորվում է քննարկել նախորդ նիստի որոշումների իրականացմանը վերաբերող հարցերը, երկկողմ ռազմատեխնիկական համագործակցության նորմատիվ-իրական բազայի կատարելագործումը, ՌԴ-ի եւ Բելառուսի միջեւ միջպետական ֆինանսա-արդյունաբերական խումբ ստեղծելու մասին համաձայնագրին Հայաստանի միանալու, մտավոր սեփականության պաշտպանության եւ Հայաստանում «ԿԱՄԱԶ»-ի վերանորոգման եւ սպասարկման լիցենզավորված կենտրոն ստեղծելու, պահեստամասերի մատակարարման, Հայաստանում ռուսական արտադրության ՀՕՊ միջոցների տեխնիկական սպասարկման եւ վերանորոգման բազմաֆունկցիոնալ կենտրոն ստեղծելու, Հայաստանում ռուսական արտադրության ուղղաթիռների տեխնիկական սպասարկման եւ վերանորոգման տարածաշրջանային կենտրոն ստեղծելու եւ 2013թ. ին կնքած Ռազմատեխնիկական համագործակցության մասին համաձայնագրի շրջանակներում ռազմական նշանակության արտադրանք մատակարարելու

Բացի այդ, կողմերը կքննարկեն ՌԴ ՊՆ-ի կողմից երեք հատ «ԻԼ - 76»  օդանավ մատակարարելու հնարավորությունը։ Այս պահին այդ հնարավորությունը չկա, սակայն կառաջարկվի քննարկել առնվազն 50 տոկոս թռիչքային ռեսուրսներով օդանավերի մատակարարման հնարավորությունը։ Նիստում կքննարկվի զրահատանկային, հրթիռա-հրետանային եւ այլ սպառազինությունների մատակարարման հարցերին։ Քննարկվելու է նաեւ սահմանային հսկողության միջոցների, զրահատանկային եւ ինժեներատեխնիկական միջոցների արդիականացման եւ վերազինման հարցը։

Հանձնաժողովի հաջորդ նիստը կայանալու է 2016թ. երրորդ եռամսյակում ՌԴ-ում։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանում մեկնարկել են հայ-ռուսական միացյալ զորախմբի մարտավարական զորավարժությունները
Գերենալը նաև ընդգծել է, որ նմանատիպ վարժանքներ անց են կացվում տարին մի քանի անգամ, նախապատրաստական պլանի համաձայն…
Այս պահին ռուսական դպրոցներ բացելու հարց օրակարգում չկա․ Վահրամ Դումանյան
Կարևորում են ռուսաց լեզվի պոպուլյարիզացիայի խնդիրը՝ հատկապես ժամանակակից աշխարհում, երբ հաղորդակցությունը կարևոր գործիք է…
Իշխան Սաղաթելյանն ընդունել է ՀՀ-ում ՌԴ դեսպան Սերգեյ Կոպիրկինին
Կողմերը քննարկել են տարածաշրջանում անվտանգային իրավիճակին առնչվող մի շարք հարցեր…
Սուրեն Պապիկյանը հանդիպել է Իգոր Մասլովի գլխավորած պատվիրակությանը
Կողմերը քննարկել են հայ-ռուսական հարաբերությունների զարգացման լայն օրակարգ…
Մենք պատրաստ ենք ֆինանսավորել «Գեոպրոմայնինգ» ընկերությանը. «ԷԿՍԱՐ»
Մենք փոխգործակցում ենք «Գեոպրոմայնինգ» ընկերության հետ, ասել է Նիկիտա Գուսակովը...
Ռուսական ընկերությունները պատրաստ են մասնակցել «Հյուսիս-Հարավ» ճանապարհի շինարարությանը. «ԷԿՍԱՐ»
Բիզնես-առաքելության շրջանակում քննարկվում են տարբեր նախագծեր եւ պայմանագրեր...
Ամենաշատ