ԱՄՆ դեմոկրատ կոնգրեսական Ջիմ Կոստան կոչ է արել Ադրբեջանին դադարեցնել բռնություններն ուղղված Լեռնային Ղարաբաղի խաղաղ ժողովրդի դեմ, հաղորդում է ԱՄՆ Հայ դատի հանձնախումբը:
Նա ընդգծել է, որ Ադրբեջանի կողմից հրադադարի ռեժիմի վերջին խախտումը ցույց է տալիս, որ այդ երկիրը հանձնառու չէ խաղաղությանն ու կայունությանը:
«Ես դատապարտում եմ Լեռնային Ղարաբաղի դեմ հարձակումները»,- ասել է կոնգրեսականը։
«Չնայած պետքարտուղար Ջոն Քերիի և փոխնախագահ Ջո Բայդենի հետ անցած շաբաթ ունեցած հանդիպումներին՝ Ադրբեջանի նախագահ Իլհամ Ալիևը հավատարմություն չի հայտնում հակամարտության կարգավորման գործընթացին: Ինձ համար կասկածելի է Ալիեւի` խաղաղության հասնելու ցանկության մասին անկեղծությունը: Ես հուսով եմ, որ ԱՄՆ կառավարությունը կաշխատի Մինսկի խմբի շրջանակում Ադրբեջանի կառավարության կողմից Լեռնային Ղարաբաղի խաղաղ ժողովրդի նկատմամբ հարձակումների դադարեցման ուղղությամբ,-ընդգծել է Կոստան:
Նշենք, որ շուրջ մեկ տասնյակ կոնգրեսականներ արդեն հանդես են եկել նմանատիպ հայտարարություններով:
Հիշեցնենք, որ ապրիլի 2-ի գիշերը իրավիճակը Լեռնային Ղարաբաղի հակամարտության գոտում կտրուկ լարվել է։ Խրոնիկ բնույթ կրող կրակոցներից եւ մասնակի դիվերսիոն հետախուզական փորձերից Ադրբեջանն անցում է կատարել մասշտաբային հարձակման շփման գծի ողջ երկայնքով՝ օգտագործելով հրետանի, ծանր տեխնիկա եւ ավիացիա։ Սա ամենախոշոր գործողություններն են 1994 թվականին հաստատված հրադադարի ռեժիմից հետո, որոնք ձեռնարկել է Ադրբեջանի զինուժը: Երկու կողմերից էլ կան զոհեր։
Սենատոր Մարք Քիրքն Օբամայի աշխատակազմին կոչ է արել Ադրբեջանից պատասխան պահանջել
ԱՄՆ կոնգրեսականը դատապարտել է Ադրբեջանի վերջին հարձակումները Լեռնային Ղարաբաղի դեմ
Կոնգրեսական Ռոբերտ Դոլդ. Ադրբեջանը պատասխանատվություն է կրում իր գործողությունների համար
Կոնգրեսական Լինդա Սանչեսը դատապարտել է Լեռնային Ղարաբաղի դեմ Ադրրբեջանի ագրեսիան
54 կոնգրեսականներ Օբամային կոչ են արել ճնշում գործադրել Ալիեւի վրա ԼՂ խնդրի խաղաղ կարգավորման համար
