ԱՄՆ ընտրված նախագահ Դոնալդ Թրամփի երդմնակալության ժամանակ 16-ամյա երգչուհի Ջեկի Էվանչոն է կատարելու Ամերիկայի ազգային հիմնը, այս մասին հայտնել է Թրամփի օգնական Բարիս Էփշթեյնը իր Twitter միկրոբլոգում։ Աղջիկը նույնպես հաստատել է, որ ելույթ ունենալու հրավերք է ստացել ու նշել, որ իր համար դա մեծ պատիվ է եւ որ շատ հուզված է այդ կապակցությամբ։
ՄԻնչդեռ Ջեկին առաջին անգամ չէ, որ պետք է երգի երկրի նախագահի համար։ 2010-ին նա ելույթ էր ունեցել Սուրբծննդյան տոնածառի լուսավորման արարողության ժամանակ, երբ լույսերը վառում էր նախագահ Բարաք Օբաման,հենց այդ նույն թվականին էլ նա մասնակցել է «Ամերիկան որոնում է տաղանդներ» շոուին։