Կարելի է հասնել Լեռնային Ղարաբաղի ժողովրդի ինքնորոշման իրավունքի միջազգային ճանաչմանը: Փետրվարի 17-ին կայացած ասուլիսում այս մասին հայտարարեց Ռոբերտ Քոչարյանի նախագահության տարիների Հայաստանի ԱԳ նախարար Վարդան Օսկանյանը:
Նրա խոսքով՝ դա ենթադրում է կա՛մ Լեռնային Ղարաբաղի Հանրապետության անկախության, կա՛մ Հայաստանի հետ միավորման փաստի ճանաչում: «Ես հակված եմ երկրորդ տարբերակին եւ վստահ եմ, որ դա իրականություն կդառնա»,- ընդգծեց Օսկանյանը:
ԱԳ նախկին նախարարի խոսքով՝ լուրջ բանակցային գործընթաց է անհրաժեշտ: Վարդան Օսկանյանը որպես իր ասածների հիմնավորում վկայակոչեց սեփական փորձը, միջազգային կառույցների հետ աշխատանքի մեթոդների իմացությունը: