News
Լրահոս
News
Երկուշաբթի
Հոկտեմբեր 22
Տեսնել լրահոսը

Թուրքիայի վճռաբեկ դատարանը որոշում է կայացրել դադարեցնել Դիարբեքիրի հայկական Սուրբ Կիրակոս եկեղեցու պետականացման գործընթացը։

Ինչպես տեղեկացնում է Ստամբուլի հայկական «Ակոս»–ը, Սուրբ Կիրակոսի եկեղեցու հիմնադրամի փաստաբանները պետականացման դեմ հայց են ներկայացրել վճռաբեկ դատարան՝ շեշտելով, որ եկեղեցու պետականացումը հակասում է օրենքին։

«Պետականացման որոշումով առհամարվել են նախարարների խորհրդի որոշումը կապված մշակույթային ժառանգությունների պահպանության հետ։ Բացի վճռաբեկը նման անօրինական պետականացումները չեղարկելու վերաբերյալ դրական ընդունված մի շարք որոշումներ ունի։ Պետականացումը հակասում է նաեւ Լոզանի պայմանագրին»,–նշվել էր հայցադիմումում։

Վճռաբեկը բավարարել է Սուրբ Կիրակոս եկեղեցու հիմնադրամի հայցը՝ եկեղեցու պետականացման գործընթացը կանգնեցնելու որոշում կայացնելով։ Վճռաբեկի որոշման մեջ նշվել է, որ պետականացման հետ կապված հարցում է ուղարկվել համապատասխան մարմիններին, սակայն պատասխան չեն ստացել, թե ինչ հիմքերով են պետականացնում եկեղեցին։

Նշենք, որ Թուրքիայի նախարարների խորհրդի որոշումով Դիարբեքիրի Սուրի շրջանում գտնվող բոլոր կառույցները, այդ թվում Դիարբեքիրի Սուրբ Կիրակոսը, պետականացվել են։ Պատճառաբանությունն այն էր, որ քուրդ զինյալների հետ բախումների հետեւանքով վնասված Սուրի շրջանը պետք է պետական միջոցներով վերականգնվի, այդ թվում հայկական եկեղեցիները։

Մերձավոր Արեւելքի ամենամեծ եկեղեցիներից մեկի՝ Սուրբ Կիրակոսի վերաբացումն ու օծումը տեղի է ունեցել 2011- հոկտեմբերի 22-ին, իսկ առաջին պատարագը մեկ օր անց՝ հոկտեմբերի 23-ին:

Սուրբ Կիրակոսի վերանորոգումը իրականացվել է դիարբեքիրցի հայերի եւ Դիարբեքիրի քաղաքապետարանի աջակցությամբ:

Սուրբ Կիրակոսը վերաբացվել է որպես գործող եկեղեցի:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ստամբուլահայ համայնքին հաջողվել է պետությունից հետ ստանալ նախկինում խլված խոշոր հողատարածք
Երկարատեւ իրավական պայքարից հետո հաջողվեց հետ ստանալ այդ հողատարածքի կադաստրի թուղթը...
Տրապիզոնի հայկական Ամենափրկիչ վանքը փլուզման եզրին է (ֆոտո)
Վանքից դուրս մեծ թվով հայկական խաչքարեր են գտնվում...
Թուրքիայում եւս մեկ հայկական եկեղեցի է վերանորոգվելու (ֆոտո)
Օնուր Յըլդաղը ասել է, թե 10 օրվա ընթացքում սկսվելու են վերանորոգման աշխատանքները...
Անին 1001 եկեղեցիների քաղաք է ու դա չափազանցություն չէ․ թուրքական թերթի անդրադարձը (ֆոտո)
Անիի գլխավոր եկեղեցին՝ Մայր տաճարը կառուցվել է Հայոց Գագիկ թագավորի օրոք․․․
Վանի 400-ամյա Սուրբ Ստեփանոս եկեղեցին վերջնականապես անհետանալու եզրին է
Եկեղեցին շարունակում է գրավել տեղացի եւ օտարերկրացի զբոսաշրջիկների ուշադրությունը...
Թուրքիայում հայկական եկեղեցու յուրահատուկ որմնանկարները գրավում են զբոսաշրջիկների ուշադրությունը (Ֆոտո)
Քարամանի տուրիզմի եւ մշակույթի վարչության պետ Աբդուլլահ Քըլըչը նշել է...
Ամենաշատ
Partner news