Facebook-ի հիմնադիր Մարկ Ցուկերբերգը հաստատել է, որ սոցցանցը մտադիր է ստեղծել այնպիսի համակարգ, որը թույլ կտա տեքստը հավաքել մտքի ուժով, հայտնում է Ինտերֆաքսը։
«Մենք փորձում ենք ստեղծել այնպիսի համակարգ, որը ձեզ հնարավորություն կտա տպել մտքի ուժով, այսինքն հինգ անգամ արագ, քան հեռախոսով եք տեքստ հավաքում։ Ի վերջո մենք ուզում ենք ստեղծել մի սարք, որը հնարավոր կլինի միշտ ունենալ ձեզ հետ ու դրա զանգվածային թողարկում գործարկել։ Նույնիսկ «այո» կամ «ոչ» տարբերականերից մտքի ուժով ընտրություն կատարելու ամենահասարակ հնարավորությունը ավելի բնական կդարձնի լրացված իրողությունը»,- գրել է նա իր ֆեյսբուքյան էջում։
Ցուկերբերգ նման համակարգի ստեղծումը անվանել է առաջին քայլը մտքերի փոխանակության տեխնոլոգիայի մշակման ճանապարհին։
Ցուկերբերգը նշել է, որ մարդու ուղեղը ստեղծում է տվյալների այնպիսի ծավալ, որը բավական է ամեն վայրկյան չորս HD ֆիլմ հեռարձակելու համար։ Բայց առայժմ տեղեկությունը փոխանցելու լավագույն տարբերակը մնում է խոսքը, որը իր բնութագրերով համեմատելի է 20-րդ դարի 80-ականների մոդեմի հնարավորությունների հետ։
