Եվրոպայի անվտանգության եւ համագործակցության կազմակերպության (ԵԱՀԿ) գլխավոր քարտուղար Լամբերտո Զանիերն ապրիլի 24-27-ը աշխատանքային այցով Մոսկվա կժամանի:
ՌԴ ԱԳՆ մամուլի ծառայությունից հայտնում են, որ նա Ռուսաստան կայցելի ՌԴ ԱԳ նախարար Սերգեյ Լավրովի հրավերով: Ապրիլի 25-ին կընթանան Զանիերի հետ Լավրովի բանակցությունները: Հանդիպում է նախատեսված է նաեւ ՀԱՊԿ ղեկավարության հետ:
«Խոհրդակցությունների շրջանակում կարեւոր տեղ է հատկացված տարածաշրջանային այլ հակամարտությունների կարգավորման հարցին, որոնց ԵԱՀԿ-ը ներգրավված է՝ Մերձդնեստրի եւ Լեռնային Ղարաբաղի, ինչպես նաեւ Անդրկովկասում կայունության եւ անվտանգության ժնեւյան բանավեճերին: Կողմերը համոզված են, որ ԵԱՀԿ-ը հակամարտությունների կարգավորմանը նպաստելու համար բավարար գործիքակազմ ունի: Դա պետք է իրականացվի խաղաղ ճանապարհով կայացած ձեւաչափերի շրջանակում՝ հաշվի առնելով հակամարտության բոլոր կողմերի շահերը եւ անմիջական մասնակցությամբ»,- նշված է ԱԳՆ-ի հաղորդագրության մեջ: