Հայաստանի զբոսաշրջության պետկոմիտեն առաջարկել է արտոնագրել զբոսավարներին։ Այս մասին NEWS.am-ի թղթակցի հետ զրույցում ասաց զբոսաշրջության պետական կոմիտեի ղեկավարի տեղակալ Մեխակ Ապրեսյանը։
Հիմա յուրաքանչյուրը կարող է զբոսավար դառնալ։ Սակայն հայտնի չէ, թե ինչ տեղեկություններ է նա հաղորդում։ Պետկոմիտեն սկսել է մտածել այն մասին, թե ինչ են պատմում Հայաստան ժամանած զբոսաշրջիկներին իրենց իսկ զբոսավարները հայկական եկեղեցիների եւ մյուս պատմական հուշարձանների մասին։ Երբեմն էլ զբոսավարները ոչ այնքան տեղեկացված հայեր են։
«Այդ պատճառով էլ մենք կարծում ենք, որ էքսկուրսավարները պետք է արտոնագրվեն, իսկ նրանց ծրագրերի ծախսերը հոգալը հավանության պետք է արժանանա»,- նկատել է Ապրեսյանը։
