ԱՄՆ-ն վճռականորեն սատարում է ղարաբաղյան հակամարտության խաղաղ կարգավորմանը։ Այս մասին ասվում է Հանրապետության օրվա կապակցությամբ Ադրբեջանի նախագահ Իլհամ Ալիեւին ուղղված Դոնալդ Թրամփի շնորհավորական նամակում։
«Դուք Եվրոպայի համար էներգիայի նոր աղբյուր եք, եւ մենք երախտապարտ ենք ձեզ այդ ոլորտում բարեհաջող ու երկարաժամկետ համագործակցության համար։ Բոլոր համատեղ աշխատանքների հետ մեկտեղ մենք նաեւ ցանկանում ենք մեր երկրների միջեւ նոր գործարար կապեր հաստատել։ ԱՄՆ-ն նաեւ վճռականորեն սատարում է Լեռնային Ղարաբաղի հակամարտության խաղաղ կարգավորմանը»,- ընդգծվում է ուղերձում։