Լոռու մարզում հունիսի 3-ին ինքնասպանության փորձ է տեղի ունեցել: 22-ամյա երիտասարդը «Ֆեյսբուք» սոցիալական ցանցում ուղիղ եթերում հայտարարել է, որ մտադիր է ինքնասպանություն գործել, սակայն մտադրությունն ավարտին չի հասցրել, քանի որ մտերիմները դիմել են իրավապահ մարմիններին:
Ոստիկանության լրատվական ծառայությունից հայտնեցին, որ նման ահազանգ ստացել են: Դեպքով զբաղվում է Քննչական կոմիտեն:
Ըստ Pastinfo-ի՝ երիտասարդն իրենց տանը կից անասնագոմում փորձել է կախվելու միջոցով ինքնասպան լինել և, միևնույն ժամանակ, նա ֆեյսբուք սոցիալական ցանցով ուղիղ եթերով հրապարակել է իր մտադրությունը, սակայն չի կարողացել այն ավարտին հասցնել: