Սեպտեմբերի 7-ը Հայաստանի ինժեներական զորքերի օրն է: 1992 թվականի սեպտեմբերի 7-ին ավարտվեց Հայաստանի Հանրապետության Զինված ուժերի ինժեներական ստորաբաժանման կազմավորումը:
Ինժեներական զորքերը Հայաստանի Զինված ուժերի կազմում ստորաբաժանումներ են, զորամասեր եւ հատուկ զորքերի միավորումներ՝ նախատեսված մարտական գործողությունների տարածքում ինժեներական սարքավորման, ինժեներական հետախուզման եւ հարձակվող զորքերի ուղեկցման համար: Ինժեներական զորքերի կազմի մեջ են մտնում ինժեներասակրավորական, ինժեներաճանապարհային, կամրջաշինական եւ այլ ստորաբաժանումներ:
