ԵՄ-ն մինչեւ 2018-ի մարտի 15-ը երկարացրել է Ռուսաստանի քաղաքացիների ու իրավաբանական անձանց դեմ անհատական պատժամիջոցները, որոնք սահմանվել էին Ուկրաինայի հարավ-արեւմուտքում ստեղծված իրավիճակի պատճառով, հայտնում է Newsru-ն։

Բրյուսելում հիշեցրել են, որ խոսքը այսպես կոչված անհատական պատժամիջոցների մասին է, որոնց գործողության ժամկետը սպառվում է սեպտեմբերի 15-ին։ Հիմա պատժամիջոցները գործում են 149 ռուսների ու ուկրաինցիների ու 38 իրավաբանական անձանց նկատմամբ։