WASP-12b էկզոմոլոակը իրականում գազային սև հսկա է։ Նման եզրակացության են հանգել աստղագետները՝ Կանադայի Մակգիլի համալսարանից Թեյլեր Բելի ղեկավարությամբ։  Գիտնականների հոդվածը հրապարակվել է The Astrophysical Journal Letters-ում։

WASP-12b –ը Երկրից 1400 լուսային տարվա հեռավորության վրա է։ Այն գրեթե կրկնակի մեծ է Յուպիտերից ու պտտվում է ծնողական աստղի շուրջ ՝ 0․03 աստղագիտական միավոր հեռավորության վրա։ Այդ մոլորակում մեկ տարին անցնում է մեկ օրվա ընթացքում։ Մոլորակը միշտ մեկ կողմով է շրջված դեպի աստղը։ Այնտեղ ջերմաստիճանը հասնում է ավելի քան երկու հազար աստիճանի՝ ըստ Ցելսիուսի։

Հետազոտողները հայտնաբերել են, որ գազային հսկան կլանում է նրա մթնոլորտի մեջ հայտնվող լույսի 94 տոկոսը։ Գիտնականների խոսքով՝նման մոլորակները սովորաբար անդրադարձնում են իրենց վրա հայտնվող ճառագայթման 40 տոկոսը։ Սակայն այս մոլորակը չի կարելի համարել լրիվ սև մարմին։  Բարձր ջերմաստիճանի պատճառով այն լուսավորվում է կարմիր գույնով՝ հալչող մետաղի նման։