ԱՄՆ պետքարտուղար Ռեքս Թիլերսոնը եւ ՌԴ ԱԳ նախարար Սերգեյ Լավրովը երեքշաբթի Նյու Յորքում կհանդիպեն ՄԱԿ Գլխավոր ասամբլեայի 72-րդ նստաշրջանի շրջանակում, «ՌԻԱ Նովոստի»-ի փոխանցմամբ՝ այս մասին հայտնել է Պետքարտուղարությունը:
Հանդիպումը նախատեսված է Palace հյուրանոցում, օրվա երկրորդ կեսին:
Դիվանագետների նախորդ հանդիպումը Նյու Յորքում տեղի է ունեցել կիրակի, որի ընթացքում կողմերը քննարկել են Սիրիայի ճգնաժամի կարգավորման հարցում փոխգործակցությունը եւ Ուկրաինայի իրավիճակի կարգավորման Մինսկյան համաձայնագրերի իրականացման ընթացքը:
Պետքարտուղարության ծրագրի համաձայն՝ Լավրովի հետ առաջիկա հանդիպումը Թիլերսոնի համար կլինի միակ երկկողմ հանդիպումը, քանի որ մնացած ժամանակահատվածում նա ուղեկցելու ԱՄՆ նախագահ Դոնալդ Թրամփին: