Ծաղրածուի կոստյումով տղամարդը առաջադրել է իր թեկնածությունը Բոսթոնի քաղաքային խորհրդի անդամի պաշտոնում։ The Boston Herald-ը գրում է, որ տեղի բնակիչ Պատ Պայասոն կմասնակցի քաղաքային խորհրդի ընտրություններին մյուս 7 թեկնածուների հետ միասին։ Payaso իսպաներեն նշանակում է ծաղրածու։
Պայասոն իր նախընտրական քարոզչությունը սոցցանցերում իրականացնում է գույնզգույն կեղծամով, ծաղրածուի կերպարանքով։ Գրանցման պահին «ծաղրածուի» հաշվին 45 դոլար կար նախընտրական քարոզչության համար։
Քաղաքային խորհրդական Էսսաբի Ջորջը հայտնել է, որ «Պայասոն ծաղրում է ընտրությունները»։