Ֆրանսիայի «Ազգային ճակատ» կուսակցության առաջնորդ Մարին Լը Պենը հայտարարել է կազմակերպության վերակազմավորվելու մասին՝ քաղաքական հայացքների պահպանմամբ, հայտնում է Reuters-ը:
Նա ընդգծել է, որ կուսակցությունը կմնա ծայրահեղ աջ եւ կշարունակի Եվրամիությանը դեմ ու «ազգային ինքնիշխանությանը» կողմ հանդես գալ:
«Ազգային ճակատն» առանց դժվարության ինքնավերականգնման կհասնի: Շատ տաղանդավոր մարդիկ կան, համապատասխան տվյալներով շատ մարդիկ»,- նշել է Լը Պենը:
Նրա տեղակալ Ֆլորիան Ֆիլիպոն ավելի վաղ կուսակցությունից հեռացել էր «Ազգային ճակատի» ծրագրերի հարցում տարբեր տեսակետների պատճառով:
«Ազգային ինքնիշխանությունը մեր պայքարում գլխավորն է: Մենք ամբողջ հոգով կշարունակենք պայքարել Եվրամիության դեմ, քանի որ այն մեր ժողովրդին մեկուսացնելու եւ աղքատացնելու գործիք է»,- շեշտել է Լը Պենը: