Ավստրալիայի կառավարությունը որոշել է երկարաձգել Ռուսաստանի դեմ տնտեսական պատժամիջոցները, քանի դեռ այդ երկրի քաղաքականությունը սպառնում է Ուկրաինայի ինքնիշխանությանն ու տարածքային ամբողջականությանը, հայտնում է ՏԱՍՍ–ը՝ վկայակոչելով Ավստրալիայի ԱԳՆ–ին։
Այս կապակցությամբ որեւէ հրապարակային հայտարարություն Ավստրալիայի պաշտոնական դեմքերը չեն արել։ Նշենք, որ Ավստրալիայի կառավարությունը Ռուսաստանի քաղաքացիների եւ ընկերությունների դեմ պատժամիջոցներ էր սահմանել 2014–ի հունիսին, իսկ սեպտեմբերին այդ ցուցակը ընդլայնվել էր։ Այդ ցուցակում այս պահին կա 156 ֆիզիկական անձ եւ 48 ընկերություն։
