ՌԴ նախագահ Վլադիմիր Պուտինը հայտարարել է, որ իր թուրք գործընկերոջ՝ Ռեջեփ Թայիփ Էրդողանի հետ հանդիպման ժամանակ, հաստատել են իրենց պատրաստակամությունը շարունակել աշխատել Սիրիայում լարվածության գոտիների թուլացման ուղղությամբ, հաղորդում է ՏԱՍՍ-ը:
«Աստանայում Սիրիայի հարցով 6-րդ միջազգային հանդիպման ժամանակ լարվածության թուլացման 4 գոտիների ստեղծման պայմանավորվածություններին հետեւելու պատրաստակամությունը, այդ թվում Իդլիբ նահանգում, հաստատվել է,»,-ասել է Պուտինը:
Էրդողանի խոսքով՝ Ռուսաստանն ու Թուրքիան աջակցում են են Իրաքի ու Սիրիայի տարածքային ամբողջականությունը:
«Մենք Ռուսաստանի հետ միասին աջակցում ենք Իրաքի եւ Սիրիայի տարածքային ամբողջականությանը: Թուրքիան կշարունակի սերտորեն աշխատել Ռուսաստանի հետ Սիրիայում ճգնաժամի քաղաքական լուծումը ստանալու համար», - ասել է Էրդողանը:
«Այսօր քննարկել ենք Սիրիայի եւ Իրաքի հարցերը: Միակարծիք ենք Իրաքի եւ Սիրիայի տարածքային ամբողջականության պահպանման հարցում: Հանրաքվեն օրինական չէ», - ասել է Էրդողանը:
«Իհարկե, քննարկել ենք նաեւ Իրաքի Քուրդիստանի հանրաքվեն: Ռուսաստանի սկզբունքային դիրքորոշումը հայտնի է՝ այն ներկայացված է ՌԴ ԱԳՆ հայտարարության մեջ: Մենք այդ մասին պարոն նախագահի հետ արդեն խոսել ենք»,-ասել է Պուտինը:
