Իսպանիան խոստացել է համապատասխան միջոցներ ձեռնարկել, եթե Կատալոնիան մինչեւ երկուշաբթի չպատասխանի , թե անկախություն հռչակել է, թե ոչ։ Այս մասին հայտնել է Իսպանիայի ՆԳ նախարար Խուան Իգնասիո Սոիդոն, փոխանցում է «ՌԻԱ Նովոստի»-ն։
Նրա խոսքով՝ եթե Կատալոնիայի կառավարության ղեկավար Կառլես Պուչդեմոնը երկիմաստ պատասխան տա, դա կնշանակի, որ նա չի ուզում երկխոսություն վարել, եւ կառավարությունը ստիպած է լինելու համապատասխան քայլեր ձեռնարկել։
Ավելի վաղ Պուչդեմոնը հայտնել էր, որ Իսպանիան ու Կատալոնիան չպետք է նախապայմաններ դնեն երկխոսության համար։
