Իրաքի Քուրդիստանի խորհրդարանը, որտեղ սեպտեմբերի վերջին անցկացվել է Բաղդադի կողմից չճանաչվող անկախության հանրաքվե, որոշում է ընդունել նախագահական եւ խորհրդարանական ընտրությունները 8 ամսով հետաձգելու մասին: Այս մասին հայտնում է Rudaw հեռուստաալիքը:
Խորհրդարանի նիստին ներկա 68 պատգամավորներից 60-ը կողմ է քվեարկել ընտրությունները հետաձգելուն, 8 պատգամավոր դեմ է եղել:
Այսպիսով, խորհրդարանի իրավասության ժամկետը 8 ամսով երկարացվել է՝ մինչեւ 2018 թվականի հուլիս:
Շրջանում նախորդ խորհրդարանական ընտրություններն անկացվել էին 2013 թվականին: Նախագահական ընտրությունները վերջին անգամ անցկացվել էին 2009 թվականին: Մասուդ Բարզանիի լիազորությունների ժամկետը լրացել էր 2013 թվականին եւ 2 անգամ երկրարացվել խորհրդարանի ու դատարանի կողմից: Նախկինում Բարզանին հայտարարում էր, որ նոր ժամկետի համար չի առաջադրվի:
