Գերմանիան եւս 20 մլն եվրոյի օգնություն կհատկացնի մուսուլման ռոհինջաների համար, որոնք Մյանմարից Բանգլադեշ են փախել: Այս մասին Բանգլադեշի Կոքս Բազար քաղաքում գտնվող փախստականների ճամբարում այցելության ժամանակ ասել է Գերմանիայի արտաքին գործերի նախարար Զիգմար Գաբրելը: Այս մասին հայտնում է dpa-ն:
Մուսուլման ռոհինջաների դրությունը նա ողբերգական է անվանել:
«Այն, ինչ մենք տեսել ենք, դա ոբերգական իրավիճակ է այս մարդկանց համար», - ասել է նախարարը:
Գերմանիայի արտաքին գործերի նախարարը Բանգլադեշում է Շվեդիայի եւ Ճապոնիայի իր գործընկերների հետ`Մարգոտ Վալստրեմի եւ Տարո Կոնոյի, ինչպես նաեւ ԵՄ արտաքին քաղաքականության եւ անվտանգության հարցերով գերագույն հանձնակատար Ֆեդերիկա Մոգերինիի հետ:
