Տոմսկի մարզի քննիչները քրեական գործ են հարուցել բազմազավակ մոր եւ մանկահասակ դուստրերի սպանության փաստով: Կնոջ վրա բենզին է լցրել եւ այրել նրա ամուսինը, փոխանցում է Newsru.com-ը՝ վկայակոչելով ՌԴ ՔԿ մարզային վարչության պաշտոնական կայքը:
4 մարդու դաժան սպանության համար Մարկելեւո Շեգարսկի 37-ամյա բնակչին քրեական պատիժ է սպառնում:
Նախնական տեղեկյություններով՝ նոյեմբերի 26-ի երեկոյան կասկածյալը կնոջ հետ վիճել է եւ նրա վրա հրկիզվող հեղուկ լցրել:
«Տանը բռնկում է տեղի ունեցել: Հրդեհի հետեւանքով զոհվել են կասկածյալի 28 տարեկան կինը եւ 1, 5 եւ 6 տարեկան դուստրերը»,- նշված է մամուլի հաղորդագրության մեջ:
Ինքը կասկածյալը եւ հյուր եկած կինը այրվածքներով հոսպիտալացվել են: Բժիշկները նրանց վիճակը ծանր են գնահատում: