Խորվաթ գեներալ Սլոբոդան Պրալյակը, թույն խմելով, մահացել է այն բանից հետո, երբ նախկին Հարավսլավիայի գործով Միջազգային տրիբունալը հրապարակել է դատավճիռը, հայտնում է AP–ը։
Գեներալը նիստի ժամանակ բացականչել է. «Պրալյակը հանցագործ չէ։ Ես հերքում եմ ձեր վճիռը»։ Հետո նա ձեռքը մոտեցրել է բերանին եւ խմել փոքրիկ սրվակի միջի հեղուկը։ Նիստն ընդհատվել է, դատարան են բերվել բժիշկներ, որպեսզի նրան առաջին օգնություն ցուցաբերեն։
Պրալյակը թույնն ընդունել էր այն բանից հետո, երբ վերաքննիչ դատարանը հաստատել էր ռազմական հանցագործություններին նրա մասնակցության դատավճիռը։ Գեներալը բոսնիացի մուսուլմանների դեմ հանցագործությունների համար 20 տարվա ազատազրկման է դատապարտվել։
