Օգոստոսի վերջին «Ավանտի» ձեռներեցների ասոցիացիան ՌԴ Կենտրոնական բանկին առաջարկել էր սահմանափակ քանակով տպագրել Վլադիմիր Պուտինի կերպարով թղթադրամ: Նոյեմբերի վերջին ասոցիացիայի նախագահ Ռահման Յանսուկովը ստացել է ԿԲ պատասխանը, փոխանցում է ՌԲԿ-ն:
«Ձեւավորված ավանդույթի համաձայն՝ Ռուսաստանի բանկի թղթադրամների վրա չեն օգտագործվում Ռուսաստանի գործող քաղաքական գործիչների եւ հասարակական գործիչների պատկերները»,- նշված է Ռուսաստանի բանկի կանխիկ դրամի շրջանառության դեպարտամենտի տնօրեն Ալեքսանդր Յուրովի պատասխան նամակում, որը թվագրված է օգոստոսի 25-ով: Ավելի ուշ Յուրովը թոշակի է անցել, իսկ հոկտեմբերի 9-ին դեպարտամենտը ղեկավարել է Ալեքսանդր Լախտիկովը: