Սիրիայի հյուսիս-արեւմուտքում գտնվող Աֆրինա շրջանում քրդական ինքնապաշտպանական ուժերի (YPG) դեմ գործողություններում Անկարան ակնկալում է Վաշինգտոնի աջակցությունը: Այս մասին հայտարարել է Թուրքիայի նախագահ Թայիփ Էրդողանը, հաղորդում է «ՌԻԱ Նովոստի»-ն:

Թուրքական լրատվամիջոցները վերջին երկու օրվա ընթացքում հայտնում են թուրքական զինված ուժերի կողմից Աֆրինայում YPG- ի վերահսկողության տակ գտնվող տարածքների գնդակոծման մասին: Թուրքիան Սիրիայի հետ սահման է ուղարկել նաեւ ռազմական տեխնիկայի հերթական շարասյունը:

«Ժամանակն է աջակցել Անկարային եւ Թուրքիայի հետ ռազմավարական համագործակցության վրա հիմնված քայլերին: Մենք ակնկալում ենք, որ Վաշինգտոնը կաջակցի Թուրքիայի ջանքերին: Մենք հուսով ենք, որ բարեկամ երկրները կաջակցեն Անկարայի դիրքորոշմանը այնպիսի կարեւոր եւ կրիտիկական հարցում, ինչպիսին է Աֆրինայի օպերացիան», - ելույթ ունենալով Թոկատ գավառում՝ մասնավորապես նշել է Էրդողանը, փոխանցում է  Anadolu գործակալությունը:

Էրդողանը սպառնացել է Սիրիայում մեկ շաբաթվա ընթացքում YPG դեմ գործողություն սկսել

Թուրքիայի զինված ուժերը հարվածել են սիրիական քրդերի դիրքերին Աֆրինա շրջանում

Թուրքիան ռազմական տեխնիկա է կուտակել Սիրիայի սահմանին