Ռուսաստանն աջակցել է Սիրիայում 30-օրյա հրադադարի հաստատման մասին ՄԱԿ Անվտանգության խորհրդի բանաձեւը՝ «առաջնորդվելով խաղաղ բնակչության հումանիտար տառապանքների մեղմացման խնդիրներով եւ հաշվի առնելով բազմաթիվ օրերի լարված բանավեճերից հետո տեքստում մեր հիմնական դիտողությունների արտացոլումը»: Այս մասին նշված է Ռուսաստանի ԱԳՆ կայքում հրապարակված հաղորդագրության մեջ:
ՌԴ ԱԳՆ-ում հույս ունեն, որ Սիրիայում «հակակառավարական ռազմական կազմավորումների արտասահմանյան հովանավորները» կապահովեն հրադադարի ռեժիմը, որպեսզի հումանիտար ավտոշարասյուները կարողանան անվտանգ անցնել մինչեւ նշանակված վայրեր: ՌԴ ԱԳՆ-ից խոստացել են Սիրիայում գրոհայինների դեմ պայքարը շարունակել, «ահաբեկիչները դադար չեն ստանա»:
Ավելի վաղ ՄԱԿ-ում ԱՄՆ մշտական ներկայացուցիչ Նիկի Հեյլին ռուս գործընկերներին մեղադրել էր Սիրիայում հումանիտար դադարի մասին Անվտանգության խորհրդի բանաձեւի նախագծի վրա աշխատանքների ձգձգման մեջ՝ հայտարարելով, որ որոշումը կարող էր շատ ավելի վաղ ընդունվել, եթե չլիներ միջազգային կոնսենսուսին «Ռուսաստանի ուշացած միացումը»:
Ըստ ՄԱԿ-ում ԱՄՆ մշտական ներկայացուցչի՝ ՄԱԿ ԱԽ բանաձեւը չափազանց ուշ են ընդունել Ռուսաստանի պատճառով
ՄԱԿ գլխավոր քարտուղարը Սիրիայում հրադադարի անհապաղ հաստատման հույս ունի
Բրիտանիայի ԱԳ նախարարը Սիրիայում հրադադարի լիամասշտաբ պահպանման կոչ է արել
Պետքարտուղարությունից պահանջել են Սիրիայում կրակն անմիջապես դադարեցնել
ՄԱԿ ԱԽ-ն Սիրիայում 30-օրյա զինադադարի հաստատման մասին միաձայն բանաձեւ է ընդունել
