News
Լրահոս
News
Երեքշաբթի
Մարտ 19
Տեսնել լրահոսը

ՀՀ վարչապետ Նիկոլ Փաշինյանն այսօր՝ մայիսի 24-ին, կառավարության նիստի ավարտին անդրադարձավ տեսանկարահանող ու ու արագաչափ սարքերի գործունեությանը։

Նա դիմելով ՀՀ ոստիկանապետ Վալերի Օսիպյանին, հետաքրքրվեց. «Ի՞նչ եզրակացության եկանք ու արդյոք Արդարադատության նախարարության հետ ինչ-որ ընդհանուր հայտարարի եկել եք, թե այս ոլորտում խնդիրներն ինչպես եք լուծելու»:

Ի պատասխան Վալերի Օսիպյանն ասաց, որ կա խախտումների ցանկ, որոնցով խախտումները չեն արձանագրելու. «Ուսումնասիրությամբ պարզվել է, որ դա կազմում է քաղաքացիների բողոքների 80 տոկոսը»:

Նրա խոսքով, երբ իրենք դադարեցրին արագաչափերի գործունեությունը, այդ ընթացքում զոհերի թիվը, կարծես թե, մի փոքր ավելացավ. «Իսկ երբ որ հայտարարություն եղավ նորից ոստիկանության կողմից, որ արագաչափերը գործում են, քաղաքացիների կողմից ուսումնասիրությամբ պարզվել է, որ բողոքները արագաչափերի մասով չի, այլ հակառակը, կան քաղաքացիներ, որոնք  դիմում են խնդրանքով, որ փողոցներում արագաչափեր տեղադրվեն: Այստեղ ամբողջ խնդիրը տեսանկարահանող սարքերի խնդիրն էր»:

Օսիպյանը տեղեկացրեց, որ այսօր հանդիպում պետք է ունենան ՀԿ-ների հետ, որոնք աջակցում են ոստիկանության այս հարցում. «Որ իրազեկեն քաղաքացիներին, որ փողոցներում անարխիա չտիրի: Որովհետեւ կարող են լինել վարորդներ, որոնք կօգտվեն ոստիկանության որոշումից ու խախտումներ թույլ կտան»:

Փաշինյանն էլ նկատեց, որ պետությունը ունի բավարար մեխանիզմներ կարգը պահպանելու համար. «Մենք պետք է փոխենք խնդրի փիլիսոփայությունը, մենք պետք է հասկանանք, որ քաղաքացին տուգանվելու մատերիալ չէ: Այսինքն մարդը դուրս է գալիս, ասում ենք, որտեղ բռնենք, մի հատ տուգանենք: Այս փիլիսոփայությունը պետք է փոխվի: Դա չպետք է հակադրել ՃՈ ապահովման խնդիրներին: 

Պետք է ամեն ինչ լինի հանուն քաղաքացու ու տուգանքների չափերի ու ընթացակարգերի հետ կապված օրենսդրական փոփոխություններ պետք է պատրաստել, որ այս հարցում ունենանք էական, լրջագույն փոփոխություն: Քաղաքացիները պետք է անարդարության զգացողությունը թոթափեն: Ինչ վերաբերում է անկարգապահ վարորդներին, ոստիկանությունն ունի բոլոր լծակները նրանց կարգի հրավիրելու համար»:

Արդարադատության նախարար Արտակ Զեյնալյանն էլ տեղեկացրեց, որ նախարարությունը e-draft.am կայքում տեղադրել է վարչական տուգանքների համաներման մասին օրենքի նախագիծը։ նա ասաց, որ առաջիկայում, երբ որ լրանան ժամկետները, իրենք նախագիծը կներկայացվի կառավարության հաստատմանը, որպեսզի գնա Ազգային ժողով: 

Նիկոլ Փաշինյանը ՀՀ ոստիկանապետից հետաքրքրվեց, թե համաներումը որ ժամկետների համար պետք է իրականացնել, ինչին Օսիպյանը պատասխանե՝ մինչեւ 2017-ի դեկտեմբերի 31-ը եւ վերջին իրադարձությունների օրերը, երբ տեղի էին ունենում երթեր, ցույցեր:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Գեղարոտ-Ծիլքար ճանապարհին մեքենան դուրս է եկել երթևեկելի հատվածից և արգելափակվել ձյան շերտում
Մարտի 19-ին` ժամը 07:21-ին, Արագածոտնի մարզային փրկարարական վարչության...
Ավտովթար՝ Սիսիան-Գորիս ճանապարհին. Բախումից հետո «ՎԱԶ»-ում հրդեհ է բռնկվել. կա 4 զոհ. վիրավորի վիճակը ծանր է
Մարտի 19-ին, ժամը 05:40-ին Սյունիքի մարզային փրկարարական վարչության ճգնաժամային կառավարման կենտրոն...
Եղբայրներով ծեծել են տաքսու վարորդին, վնասել մեքենան. Նրանցից մեկը դանակահարել է տաքսու կին ուղեւորին
Կենցաղային հարցերի շուրջ վիճաբանությունն ավարտվել էր դանակահարությամբ. կան ձերբակալվածներ...
Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել և կալանավորվել է. ՔԿ
ՀՀ քննչական կոմիտեի Սյունիքի մարզային քննչական վարչության Գորիսի քննչական…
Բերման ենթարկված հետախուզվողի մոտ ծալովի դանակ է հայտնաբերվել
ՆԳՆ ոստիկանության ՊԾ գնդի 4-րդ գումարտակի ծառայողները...
Աբովյանում երկու կողմից փակել են մեքենայի ճանապարհը, խմբով հարձակվել ու ծեծել վարորդին, կրակել նրա ուղղությամբ. ՔԿ
ՀՀ քննչական կոմիտեի Կոտայքի մարզային քննչական վարչությունում շարունակվում...
Ամենաշատ