Ռուսաստանի Արդյունաբերողների եւ ձեռնարկատերերի միության (ՌԱՁՄ) նախագահ Ալեքսանդր Շոխինը նամակ է հղել Ռուսաստանի նախագահ Վլադիմիր Պուտինին, որտեղ նախագահի օգնական Անդրեյ Բելոուսովի նախաձեռնության իրականացման դեպքում ռուսական ֆոնդային բորսայի կորուստը 3 տրիլիոն ռուբլի է գնահատել, հաղորդում է Komersant.ru-ն:
Հիշեցնենք, որ նա առաջարկել է պետության օգտին գանձել մետաղագործական եւ քիմիական ձեռնարկությունների գերշահույթները:
«Մետաղագործական եւ քիմիական ընկերությունների բաժնետոմսերը գերշահույթը գանձելու առաջարկի ֆոնի վրա արդեն նվազել են: Կարելի է գնահատել, որ շուկայի կապիտալիզացիայի նվազումը ընդհանուր առմամբ կգերազանցի 10 տոկոսը», - ասվում է Շոխինի նամակում:
