News
Լրահոս
News
Երեքշաբթի
Հոկտեմբեր 22
USD
475.96
EUR
530.36
RUB
7.48
ME-USD
0.08
Տեսնել լրահոսը

Բաքվի հերթական հայտարարությունները բանակցային գործընթացի ձեւաչափի անփոփոխության եւ պնդումների մնացյալ ամբողջ լրակազմը ոչ այլ ինչ է, եթե ոչ բազմակի կրկնողություն, այսպես ասած՝ սպառազինության մեջ վերցված արտաքին քաղաքական մուղամ: Այս մասին ասաց Արցախի նախագահի մամուլի քարտուղար Դավիթ Բաբայանը՝ NEWS.am-ի թղթակցի խնդրանքով մեկնաբանելով Իլհամ Ալիեւի հայտարարությունն այն մասին, որ «բանակցությունները կվարվեն բացառապես Ադրբեջանի եւ Հայաստանի միջեւ»: «Չնայած հայկական կողմը փորձեց փոխել բանակցային գործընթացի ձեւաչափը, Երեւանին չի հաջողվել ցանկալի նպատակին հասնել»,- ի թիվս այլոց՝ հայտարարել էր Ալիեւը:

Դավիթ Բաբայանի խոսքով՝ այս հայտարարությունը ավելորդ անգամ ցույց է տալիս, թե հայկական կողմերն ում հետ գործ ունեն: «Ադրբեջանը կառուցողականության կաթիլ իսկ չի դրսեւորում: Պնդումների այս ամբողջ լրակազմը, թե Հայաստանը ինչ «պետք» է անի, կրկնվում է որպես հիթ: Ի պատասխան՝ կարող ենք շեշտել, որ Արցախի տարածքային ամբողջականությունը, կարգավիճակը եւ ապագան չեն կարող շահարկումների եւ սակարկությունների առարկա լինել: Սակայն սա չի նշանակում, որ խնդիրը կարգավորված է: Ադրբեջանի ղեկավարությանն անհրաժեշտ է հնարավորինս արագ սկսել հաշվի նստել իրականության հետ: Իսկ իրականությունն այնպիսին է, որ ռեւանշի փորձն առաջին հերթին Ադրբեջանին է հարվածելու: Չի կարելի տարիներ շարունակ հասարակությանը ատելությամբ սնուցել, եւ պետական քաղաքականությունը ատելության վրա կառուցել»,- նշեց Դավիթ Բաբայանը:

Նա, միաժամանակ, նշեց, որ այս հայտարարությունը, որն արվել է Դուշանբեում բանավոր պայմանավորվածություններից կարճ ժամանակ անց, ավելորդ անգամ վկայում է, որ Ադրբեջանի իշխանություններն ասում են մի բան եւ անում այլ բան: «Եթե Ադրբեջանը չի ցանկանում պայմանավորվել հակամարտության հիմնական կողմի հետ, սա խոսում է միայն կառուցողական մոտեցման լիակատար բացակայության մասին»,- հավելեց Արցախի նախագահի մամուլի քարտուղարը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
30 տարում Արցախի խնդիրն այնպես պետք է լիներ, որ Ալիեւը ռիսկ չաներ տառ ու բառ հոխորտար. Ծառուկյան
Եղել է, ասել են, ընտանիքում էլ են խոսակցություններ լինում, բայց պետք է մտածենք, որ մեր խոսքերով կարող ենք վնասել ժողովրդին...
ԵԱՀԿ դիտարկումը Ակնայից դեպի հարավ-արեւելք ընկած հատվածում նորմալ է անցել
Դիտարկման առաքելությանը արցախյան կողմից ուղեկցել են...
«Սա նույն բանն է, որ առավոտյան ուտես մեղր, ցերեկը՝ կծու բիբար, երեկոյան՝ խաշ». Շարմազանովը Արցախի խնդրի մասին
Վիտալի Բալասանյանը Արցախի պատերազմի հերոս է եւ այն հարձակումը, որ տեղի է ունենում նրա նկատմամբ Նիկոլ Փաշինյանի կողմնակիցների միջոցով, ոչ այլ ինչ է, քան արցախյան հաղթանակի արժեքի նվազեցում...
«Սա քարտ-բլանշ է Ադրբեջանին եւ սրա մեղավորը այսօրվա իշխանություններն են». Շարմազանով
Վարչապետ Նիկոլ Փաշինյանը հայտարարել էր, որ հայ-ռուսական հարաբերությունները փայլուն են, որ Արցախի հարցում ինքը պետք է բերի իր նոր հայեցակարգը…
Նիկոլ Փաշինյանը եւ Հնդկաստանի դեսպանը մտքեր են փոխանակել ղարաբաղյան հակամարտության կարգավորման հարցի շուրջ
Կողմերը մտքեր են փոխանակել նաեւ ղարաբաղյան հակամարտության կարգավորման եւ տարածաշրջանային նշանակության հարցերի շուրջ․․․
Փաշինյանը կարեւորել է ԼՂ-ի հակամարտության խաղաղ կարգավորման գործընթացում Չեխիայի հավասարակշռված դիրքորոշումը
Վարչապետը հանդիպել է Հայաստանում Չեխիայի նորանշանակ դեսպանին…