Թուրքիայի Վերաքննիչ դատարանը ուժի մեջ է թողել ընդդիմադիր Cumhuriyet-ի լրագրողների եւ ղեկավարների դեմ դատավճիռները, ինչն անհանգստություն է առաջացրել Թայիփ Էրդողանի ժամանակ ԶԼՄ-ի ազատության վերաբերյալ, հաղորդում է Reuters-ը:
Վերաքննիչ դատարանը վճռել է, որ սկզբնական դատավարությունը օրինական է եղել եւ հաստատել նրա աշխատակիցների դեմ մեղադրական դատավճիռները:
Cumhuriyet -ի 14 աշխատակիցները անցյալ տարի բանտարկվել էին ահաբեկչության եւ իսլամական քարոզիչ Ֆեթուլա Գյուլենին աջակցելու մեղադրանքով: Բոլոր մեղադրյալները հերքել են իրենց դեմ ներկայացված մեղադրանքները:
Իրավապաշտպան կազմակերպությունները մտահոգություն են հայտնում Թուրքիայում լրատվամիջոցների ազատության վերաբերյալ՝ Էրդողանին մեղադրելով անհաջող հեղաշրջումը այլախոհության ճնշման համար պատրվակ օգտագործելով:
Լրագորղներ Հաքան Կարան եւ Գուրայ Օզը, ծաղրանկարիչ Մուսա Կարտը, փաստաբան Մՙուստաֆա Քեմալ Գունգորը, վարչության անդամ Օնդեր Չելիքը եւ հաշվապահ Էմրե Իպերը կմնան բանտում: Թուրքական օրենսդրության համաձայն՝ մինչեւ 5 տարի դատավիճռները հետագայում չեն կարող բողոքարկվել:
Գլխավոր խմբագիր Մուրատ Սաբունկուն, հայտնի լրագրող Ահմետ Սիքը, ինչպես նաեւ Հիքմետ Չետինկայան, Օրհան Էրինկը, Աքին Աթալայը եւ Այդին Էնգինը, որոնք ավելի քան 5 տարով են ազատազրկվել պետք է վերադառնան բանտ՝ սպասելով բարձր ատյանի դատարանում բողոքարկմանը:
Չախողված հեղաշրջումից հետո ավելի քան 77 հազար մարդ կալանավորվել էր՝ սպասելով դատավարությանը, իսկ մոտ 150 հազար պետական ծառայողներ եւ զինծառայողներ ազատվել կամ հեռացվել էին աշխատանքից: Կալանավորումները դեռ շարունակվում են: