Սուրբ Գրիգոր Լուսավորիչ» բժշկական կենտրոնից NEWS.am-ին պարզաբանել են պատմաբան Համլետ Գեւորգյանի հետ կապված պատմությունը, որը նախօրեին մահացել է կորոնավիրուսից:
Հիշեցնենք, որ պատմաբանի հարազատները մեղադրում են ԲԿ-ին, որ ժամանակին բուժում չեն սկսել:
«Սուրբ Գրիգոր Լուսավորիչ» ԲԿ-ի ներկայացրած պարզաբանման մեւ ասվում է. «Համլետ Գեւորգյանը «Սուրբ Գրիգոր Լուսավորիչ» բժշկական կենտրոն է ընդունվել հունիսի 19-ի երեկոյան` նոր կորոնավիրուսային հիվանդություն ախտորոշումով: Կատարվել են անհրաժեշտ կլինիկալաբորատոր գործիքային հետազոտությունները, ախտորոշվել է երկկողմանի թոքաբորբ մինչեւ 50% շնչական մակերեսի ներգրավմամբ:
Հաջորդ օրվանից սկսվել է թիրախային բուժումը: Դինամիկայում զարգացել է սրտի ռիթմի խանգարում, ինչը ծանրացրել է պացիենտի վիճակը եւ որոշում է կայացվել տեղափոխել ինտենսիվ խնամքի` Վերակենդանացման բաժանմունք:
Բաժանմունքում շարունակվել է դեղորայքային բուժումը եւ օքսիգենիացիայի ցուցանիշների վատացման հետեւանքով իրականացվել է թոքերի ոչ ինվազիվ օդափոխանակություն, այնուհետեւ վիճակով պայմանավորված` անցում է կատարվել թոքերի ինվազիվ օդափոխանակության:
Նոր կորոնավիրուսային հիվանդության պրոգրեսիայի պատճառով վիճակը գնալով վատացել եւ հունիսի 24-ին հանգեցրել է Համլետ Գեւորգյանի մահվանը: Նա ունեցել է նաեւ ուղեկցող հիվանդություններ, մասնավորապես` շաքարային դիաբետ եւ զարկերակային գերճնշում»:
- Եղբայրս «Սբ Գրիգոր Լուսավորիչ» բկ-ում մահացավ ուրոլոգիայի բաժանմունքի ոչ պրոֆեսիոնալ, անսիրտ մոտեցումից. Սիլվա Գեւորգյան
- Կորոնավիրուսից մահացել է ղարաբաղյան շարժման ամենաակտիվ մասնակիցներից մեկը՝ պատմաբան Համլետ Գեւորգյանը
