News
Լրահոս
News
Հինգշաբթի
Օգոստոս 05
Տեսնել լրահոսը

Գիտե՞ք, որ արագիլների միգրացիան ժամանակի հետ փոփոխության է ենթարկվել. Հավանաբար լսել եք, որ արագիլների մեծ մասը ձմռան ամիսներին այլևս չի լքում Հայաստանը, այլ՝ ձմեռում է այստեղ, քանի որ ձմռան ամիսներին կեր գտնելը դարձել է առավել հեշտ։ Այս մասին NEWS.am-ը տեղեկանում է Վայրի բնության և մշակութային արժեքների պահպանման հիմնադրամից:

«ԱրԱվես» ՀԿ-ն կրկին հետաքրքիր տեղեկատվություն է ներկայացնում սպիտակ արագիլների մասին։

Հայաստանում Արարատյան դաշտում բնադրող արագիլները ձմեռում են Արաքսի հովտում, իսկ հյուսիսային շրջաններում բնադրողները՝ չվում են դեպի Աֆրիկայի Սահելի հատված։ Նման օրինաչափություն նկատել են նաև Իսպանիայում բնադրող արագիլների մոտ։ Օրինակ, Մադրիդում բնադրող առանձնյակները ձմեռում են քաղաքին հարող գյուղական միջավայրում։

Հետաքրքիր է իմանալ նաև, որ ի տարբերություն երիտասարդ առանձնյակների՝ հասունները նախընտրում են ձմեռել իրենց բնադրավայրերում։

Բնության մեջ սպիտակ արագիլների թշնամիները շատ չեն՝ օձերը երբեմն վնասում են ձվերին և ձագերին, շնագայլերն ու թափառող շներն էլ՝ արդեն երիտասարդ կամ հասուն առանձնյակներին։ Սպիտակ արագիլները հիմնականում խոցելի են մարդու գործունեության հետևանքով՝ թունաքիմիկատների օգտագործում, որսորդություն, բների և ձագերի ոչնչացում։

Վերջին 2 տարիների ընթացքում Արարատյան դաշտում բնադրող արագիլները վտանգված են անհայտ ծագման արտադրական յուղով կեղտոտվելու հետևանքով։ Յուղոտվելու պատճառով նրանց փետուրները վնասվում են և չեն կարողանում թռչել, արդյունքում՝ արագիլները դատապարտվում են սովամահ լինելու և չեն կարողանում նաև չվել։

Այս խորհրդանշական թռչուններն ունեն մեր օգնության և պաշտպանության կարիքը, իսկ եթե կան քաղաքացիներ, որոնք արդեն տեսել և լուսանկարել են սպիտակ արագիլներին, ապա կարող են այցելել www.springalive.net կայք և գրանցել դիտարկումը։

Տպել
Կարդացեք նաև
Ամբողջը
Ֆրանսիայի կենդանաբանական այգում հսկա պանդան երկու երկվորյակ ձագ է լույս աշխարհ բերել
Փարիզից հարավ գտնվող Բովալի կենդանաբանական այգում հայտնել են, որ երկվորյակների քաշը 149 եւ 129 գրամ է․․․
Պլաստիկը սպանում է ծովային կրիաներին
Համարվում է, որ փոքր երիտասարդ կրիաներն առավել շատ են ենթարկված վտանգի, քանի որ նրանց բնակության գոտին պլաստիկով աղտոտվածության բարձր մակարդակ ունի․․․
«Ամենատխուր արջը»․ միջազգային մամուլն ահազանգել է Արմավիրում բանտարկված կույր արջի մասին (ֆոտո)
Ամենահեղինակավոր Washington times, The Sun, Daily mail, Mirror, dailystar.co.uk, The Irish Sun լրատվամիջոցները գրել են Հայաստանում սարսափելի պայմաններում…
Կատուն կես ժամ պաշտպանել է տիրոջ տունը մահացու վտանգավոր կոբրայից
Տեսնելով վտանգավոր սողունին՝ Պարիդան եւ նրա ընտանիքը խուճապի են մատնվել եւ կանչել են օձ բռնողին․․․
Հայաստանում արագիլները շրջակա միջավայրի աղտոտվածության պատճառով անհետանալու սպառնալիքի տակ են
Արդեն մի քանի տարի էկոլոգները տագնապ են հնչեցնում...
Աղվեսը վերադարձվեց վայրի բնություն. Տեսչական մարմին
Տեսչական մարմինը ևս մեկ անգամ հորդորում է վայրի կենդանիներին չզրկել ազատությունից և բնական միջավայրում ապրելու հնարավորությունից...