Բրիտանական Կոլումբիայի համալսարանի հոգեբանության պրոֆեսոր Էլիզաբեթ Դանը հայտարարել է, որ գիտական հետազոտությունները հաստատում են «ուրիշների հանդեպ բարության եւ երջանկության միջեւ պատճառահետևանքային կապը»: Այդ մասին նա պատմել է CBC-ին:
Դաննը պարզաբանել է, որ տվյալները հաստատվում են իր սեփական փորձարկումներով։
Փորձերից մեկի ժամանակ հետազոտողները մոտեցել են Բրիտանական Կոլումբիայի համալսարանի կամպուսում պատահականորեն ընտրված մարդկանց, նրանց տվել 5 կամ 20 դոլարանոց թղթադրամ եւ խնդրել են մինչեւ օրվա վերջ ծախսել գումարը: Ուսանողների կեսին խնդրել են փող ծախսել իրենց վրա, մյուս կեսին՝ ուրիշի վրա։ Դրանից հետո փորձի մասնակիցներին հարցրել են օրվա ընթացքում նրանց տրամադրության ու հոգեբանական ինքնազգացողության մասին։ Արդյունքում նրանք, ովքեր իրենց ստացած գումարը ծախսել են ուրիշի վրա, ավելի երջանիկ են զգացել իրենց:
