Հայ-թուրքական հարաբերությունների կարգավորման գործընթացում Թուրքիայի հատուկ ներկայացուցիչ Սերդար Քըլըչի՝ Երևանում հանդիպում անցկացնելու առաջարկը չի մերժվել, որոշում կա անցկացնել հանդիպում, բայց հանդիպման վայրը և ժամկետը դեռ պետք է աշխատանքային կարգով համաձայնեցվեն։

Այս մասին Factor.am-ին հայտնել է հայ-թուրքական հարաբերությունների կարգավորման գործընթացում Հայաստանի հատուկ ներկայացուցիչ Ռուբեն Ռուբինյանը՝ այլ մանրամասներ չհայտնելով։

Հիշեցնենք՝ Անթալիայում տեղի ունեցած ֆորումի ժամանակ Սերդար Քըլըչն առաջարկել էր հատուկ բանագնացների հանդիպումն անցկացնել Երևանում։ Նրա առաջարկին ի պատասխան` Ռուբեն Ռուբինյանն ասել էր՝ կարձագանքենք։