Հնդկաստանը ոչ միայն հսկայական ծավալներով ռուսաստանյան նավթ է գնում, այլև դրա մեծ մասը վաճառում է բաց շուկայում՝ ահռելի շահույթ ստանալով։ Այս մասին սոցցանցերում գրել է ԱՄՆ նախագահ Դոնալդ Թրամփը։

«Նրանց համար միևնույն է, թե քանի մարդ է զոհվում Ուկրաինայում ռուսաստանյան ռազմական մեքենայի ձեռքով։ Այդ կապակցությամբ ես զգալիորեն կբարձրացնեմ այն մաքսատուրքերը, որոնք Հնդկաստանը վճարում է ԱՄՆ-ին»,- գրել է Թրամփը։