Ուկրաինայի նախագահ Վլադիմիր Զելենսկին իր Telegram-ալիքում հայտնել է, որ Նորվեգիայի վարչապետ Յոնաս Գար Ստյորեի հետ քննարկել է դրոնների գործարքը և հակաօդային պաշտպանության ուժեղացումը։

Ըստ Ուկրաինայի նախագահի, նա շնորհակալություն է հայտնել Ստյորեին Ուկրաինային ցուցաբերվող աջակցության համար, մասնավորապես՝ PURL ծրագրին գրեթե 1 միլիարդ դոլարի չափով կատարված ներդրումների համար։

«Ռուսաստանը չի դադարում հարվածներ հասցնել բալիստիկ հրթիռներով, ուստի PURL-ի ժամանակին ֆինանսավորումը չափազանց կարևոր է։

Մենք քննարկել ենք մեր ռազմավարական գործընկերությունը՝ Drone Deal-ը և հակաօդային պաշտպանության ուժեղացման ուղղությամբ աշխատանքը, ինչպես նաև մասնավոր և պետական հատվածների միջև համագործակցությունը։

Առանձին ուշադրություն ենք դարձրել Ուկրաինայի էներգետիկ աջակցության հարցին։ Ես տեղեկացրել եմ մեր կարիքների մասին, մասնավորապես՝ բնական գազի մասով, գալիք ձմռան համար։ Ուկրաինան պարտադիր պետք է այն դիմավորի պատրաստված։ Շնորհակալ եմ Նորվեգիային և անձամբ Յոնասին՝ օգնելու պատրաստակամության համար», - նշել է Զելենսկին։