նախընտրելի դարձնելԼիբիայի նախկին վարչապետ Շուքրի Հանեմի մարմինը Ավստրիայից ուղարկվել է Լիբիայի մայրաքաղաք Տրիպոլի: Այս մասին հաղորդել է մահացածի զարմիկ Լոայի Հանեմը:
Լրատվամիջոցները հայտնում են, որ դագաղը, որի վրա գրված է Լիբիայի նախկին վարչապետի անունը, արդեն հասել է Տրիպոլի, սակայն ավստրիական իշխանությունները դեռ դա չեն հաստատում, հաղորդում է «ԻՏԱՌ-ՏԱՍՍ»-ը:
Հիշեցնենք, որ ապրիլի 29-ին 69-ամյա Շուքրի Հանեմի դիակը գտել են Վիեննայի մոտ, Դանուբ գետում: Հանեմը, ով ընկերություններից մեկում խորհրդատու էր աշխատում, առավոտյան իր ամենօրյա հագուստով դուրս է եկել տնից եւ անհետացել:
Նրա մարմնի վրա բռնության հետքեր չեն հայտնաբերվել:
Հանեմի մահվան հանգամանքները դեռեւս հանելուկ են մնում: Ոստիկանությունը քննում է ինչպես սպանության, այնպես էլ` ինքնասպանության վարկածները:
