նախընտրելի դարձնել
Ինդոնեզիայում Անակ-Կրակատաու հրաբխի ժայթքումը հանգեցրել է արդեն ութ տեղական օդանավակայանի փակմանը։ Այդ մասին հայտնել է Antara գործակալությունը։ Ավելի վաղ փակվել էր վեց օդանավակայան։
Մասնավորապես, փակվել են Սուկառնո-Հատտա և Հալիմա Պերդանակուսումայի օդանավակայանները, որոնք սպասարկում են Ջակարտան։ Թռիչքները դադարեցվել են Լամպունգ նահանգի օդանավակայաններում, ինչպես նաև Բանդունգ, Կուրուգ, Հարավային Տանգերանգ, Պեսիսիր Բարատ և Պագար Ալամ շրջաններում։
Անակ-Կրակատաու հրաբուխը, որի ժայթքումը սկսվել է ուրբաթ երեկոյան, լավայի շատրվան է արձակել։ Մոխրի և ծխի սյունը բարձրացել է ավելի քան 15 հազար մետր բարձրության։ Ինդոնեզիայի օդերևութաբանական ծառայության տվյալներով՝ ժայթքման դղրդյունը լսվել է մինչև 700 կմ հեռավորության վրա։ Տուժածների մասին տեղեկություններ չեն ստացվել։
Անակ-Կրակատաուի ակտիվացումը տեղի է ունեցել հուլիսին, և նույն ժամանակ տեղական իշխանությունները սպառնալիքի մակարդակը բարձրացրել են մինչև երրորդը՝ քառաստիճան սանդղակով։
