նախընտրելի դարձնելՌուսական էստրադայի փոփ արքա Ֆիլիպ Կիրկորովը կողմնորոշվել է իր նորածին որդու անվան հարցում:
Ռուսական լրատվամիջոցները պարզել են, որ կրտսեր Կիրկորովին կանվանեն Մարտին Քրիստո` ի պատիվ երգիչ Ռիկի Մարտինի եւ հիշեցում երգչի առաջին հայրենիքի` Բուլղարիայի մասին:
3 ամիս առաջ` իր դուստր Ալլա Վիկտորիայի մկրտության ժամանակ, Ֆիլիպը խոստացել էր, որ շուտով նա եղբայրիկ կունենա: Ընդ որում` Ալլա Պուգաչովան կատակով ասել էր, որ կարեւորը երեխային Մաքսիմ չանվանեն, Ֆիլիպը խորամանկ ժպտացել էր. «Խոստանում եմ, որ "Մ" տառն անվան մեջ կլինի»: Երեւում է` խոստումները կատարում է փոփ արքան:
Հայտնի է, որ երեխայի ծննդյան պտվին Սոֆիայում համերգից հետո Կիրկորովը շքեղ հանդիսություն է անցկացրել:
Հիշեցնենք, որ Բուլղարիայում իր համերգին փոփ արքան հայտարարել էր, որ ծնվել է իր երկրորդ երեխան: Նա ասել է, որ որդու ծննդյան մասին իմացել է շոուի սկսվելուց կես ժամ առաջ: Այժմ Ֆիլիպը երկու երեխա ունի` 7 ամսական Ալլա Վիկտորիան եւ նորածին որդին: Փոքրիկի քաշը 4200 գ է, հասակը` 58 սմ:
