նախընտրելի դարձնելՈստիկանները Երեւանի «Վերնիսաժ» տոնավաճառում` «Պրոմեթեյ» բանկի մոտից, օրերս առգրավվել են պոռնոգրաֆիկ ամսագրեր: Այս տեղեկությունը NEWS.am-ի թղթակցի հետ զրույցում հաստատեցին Ոստիկանության լրատվական ծառայությունից:
Կենտրոնականի բաժնում ահազանգ էր ստացվել, որ Երեւանի «Վերնիսաժ» տոնավաճառում` «Պրոմեթեյ» բանկի հարեւանությամբ, պոռնոգրաֆիկ ամսագրեր են վաճառում: Դեպքի վայր մեկնած օպերատիվ խումբը պարզել է, որ «Վերնիսաժ»-ի մի անկյունում 62-ամյա Սարգիս Խ- ն մի շարք ապրանքների հետ վաճառքի է հանել նաեւ «անբարոյական» ամսագրեր:
Ոստիկանները առգրավվել են ոչ միայն ամսագրերի դեռեւս չվաճառված խմբաքանակը, այլեւ հայտնաբերել գնորդներին եւ նրանցից վերցրել գնած ապրանքը:
Ոստիկաններն առգրավված ամսագրերն ուղարկել են փորձաքննության:
Ոստիկանության լրատվական ծառայությունից NEWS.am-ին հայտնեցին, որ կատարվում է հետաքննություն, հանգամանքները պարզվում են:
