Աչաջուր-Իջեւան ավտոճանապարհին երեկ` սեպտեմբերի 17-ին «Ռենջ Ռովեր» մակնիշի  ավտոմեքենայի վարորդ` 30-ամյա Սարգիս Միրզոյանը վրաերթի է ենթարկել Աչաջուր գյուղի բնակիչ 11-ամյա Սեյրան Մովսիսյանին եւ իր մեքենայով տեղափոխել Իջեւանի բժշկական կենտրոն:Այս մասին NEWS.am-ը տեղեկացավ ոստիկանության Տավուշի բաժնից:

Վթարի հետեւանքով Սեյրանը ստացել է աջ ազդրի կոտրվածք գանգուղեղային փակ տրավմա: Ավելին`նա իրեն վթարի ենթարկած եւ հիվանդանոց տեղափոխած վարորդին ավելորդ խնդիրներից ազատելու համար ասել է, թե վայր է  ընկել  տանձի ծառից:

Սակայն 30-ամյա Սարգիս Միրզոյանը, ով աշխատում է  «Սարգիս Միրզոյան» ԱՁ-ում,  իրավապահներին հայտնել է, որ նա է վրաերթի ենթարկել Սեյրանին եւ իր մեքենայով տեղափոխել հիվանդանոց: Փաստի առթիվ  նյութեր են նախապատրաստվում: