Գեղարքունիքի մարզի Բարեպատ գյուղական համայնքում գործող հիմնական դպրոցում այլեւս ոչ մի աշակերտ չկա: Այդ մասին գրում է «Հայկական ժամանակ» թերթը։

«Դպրոցը դադարեցրել է իր գործունեությունը: Ավելին, Բարեպատ գյուղում տարիներ շարունակ երեխաներ չեն ծնվում:
Ի դեպ, ըստ պաշտոնական տվյալների, Հայաստանում ծնվածների եւ հետագայում 1-ին դասարան հաճախած երեխաների թիվն էապես տարբերվում է: Առաջին դասարանցիների թիվը միջինը 1500-ով քիչ է վեց տարի առաջ ծնված երեխաների թվից»,- գրում է «Հայկական ժամանակը»։