նախընտրելի դարձնել«Սոցիալ-մշակութային իննովացիաների լաբորատորիա» հիմնադրամը հայտարարել է «1988» խորագրով ստեղծագործական պատմվածքների մրցույթ: Մրցույթին մասնակցում են 18 պատմվածքներ, որոնք տեղադրված են կազմակերպության www.skilfound.com կայքում:
Մրցույթի հաղթողները կհայտարարվեն ՍՄԻԼ-ի կողմից կազմակերպված ընդունելության ժամանակ, որը տեղի կունենա Ժամանակակից արվեստի թանգարանում՝ Մաշտոցի պողոտա 7 հասցեում, ս/թ նոյեմբերի 23-ին ժամը 16:00-ին:
«1988» խորագրով մրցույթի անցկացումը նպատակ ունի պարզել, թե ինչպիսի՞ ճանապարհով պետք է ընթանար Հայաստանը վերջին 20 տարիների ընթացքում, արդյոք գլոբալ ու ետսովետական խնդիրներո՞վ է պայմանավորված ներկա արժեհամակարգային ճգնաժամը, ի՞նչ է պակասում մեզ այսօր աշխարհի լիարժեք մասնիկը դառնալու, դեպի նորարարական գաղափարները դառնալու ու Հայաստանի զարգացումն ապահովելու համար:
Մրցույթի հաղթողները որոշվել են պրոֆեսիոնալ անկախ հանձնաժողովի կողմից, որը հաշվի է առել պատմվածքների ստեղծագործականությունը, նորարարությունը, ոճը եւ կառուցվածքային ամբողջականությունը: Զուգահեռաբար կազմակերպվել է նաեւ քվեարկություն facebook սոցիալական ցանցում: Մրցույթի հաղթողները կստանան դրամական պարգեւ` 1-ին տեղի համար 500 ԱՄՆ դոլարին համարժեք, 2-րդ տեղի համար 400 ԱՄՆ դոլարին համարժեք եւ 3-րդ տեղի համար 300 ԱՄՆ դոլարին համարժեք գումար:
ՍՄԻԼ հիմնադրամը նպատակ ունի Հայաստանում խթանել սոցիալ-մշակութային իննովացիաններ հասարակական կյանքի տարբեր ոլորտներում: Արմատացած հնոտի պրակտիկաների ու կարծրացած արժեհամակարգերի փոփոխությունը ու նոր քաղաքակրթական հոսքերին արժանիորեն ադապտացվելը ՍՄԻԼ-ի հիմնական նպատակներից է: Այն օգտագործելու է նորարարական, կամավորության, սոցիալական ակտիվության բոլոր գործիքներն իր նպատակների իրագործման համար:
