նախընտրելի դարձնելWikiLeaks կայքը կհրապարակի փաստաթղթերի հերթական շարքը, որոնց բովանդակությունը «կվերաբերի ամբողջ աշխարհի երկրներին»: Նման հայտարարությամբ է հանդես եկել աղմկահարույց կայքի հիմնադիր Ջուլիան Ասանժը:
Նա իր կողմնակիցներին դիմել է Լոնդոնում Էկվադորի դեսպանատան պատշգամբից, որտեղ գտնվում է արդեն կես տարի: WikiLeaks-ի հիմնադիրը հայտարարել է, որ 2013թ. կայքը կհրապարակի ավելի քան միլիոն փակ փաստաթուղթ, որոնք ներկայումս պատրաստվոմ են հրապարակման:
Agence France-Presse-ին վկայակոչելով`lenta.ru-ն հայտնում է, որ Ասանժին լսելու էին եկել շուրջ հարյուր համակիրներ եւ լրագրողներ: Ասանժը նշել է, որ վերջերս Պենտագոնը Wikileaks կայքի գոյությունն անվանել է «շարունակվող հանցագործություն», հաղորդում է BBC-ի ռուսական ծառայությունը:
Ասանժը 2012թ. հունիսի 19-ից հետո քաղաքական ապաստան էր խնդրել Լոնդոնում Էկվադորի դեսպանատնից, քանի որ անգլիական դատարանը վճռել էր նրան հանձնել Շվեդիային, որտեղ մեղադրվում է սեռական բնույթի հանցագործություններում: Ասանժը կարծում է, որ Սթոքհոլմը հետագայում կարող է իրեն ԱՄՆ արտահանձնել, որտեղ նրան առաջադրվել են գաղտնի տեղեկության հրապարակման եւ լրտեսության մեղադրանքներ: Օգոստոսին Էկվադորն Ասանժին պաշտոնապես քաղաքական ապաստան էր տրամադրել:
