Ալեքսանդրիայում հունվարի 16-ին փլուզված բնակելի շենքի փլատակների տակից փրկարարները 25 մարմին են հանել: Դեպքի վայրում փրկարարական աշխատանքներն ավարտվել են: Նախապես  հաղորդվել էր 14 զոհերի մասին:  

Ութհարկանի բնակելի շենքը փլվուզել էր վաղ առավոտյան` Ալեքսանդրիայի խտաբնակ Մաամուր թաղամասում: Կան 15 վիրավորներ, որոնք տեղափոխվել են քաղաքային հիվանդանոց, հաղորդում է «ՌԻԱ Նովոստին»:

Ավելի վաղ դեպքի վայրում երկաթբետոնե կոնստրուկցիաները եւ փլատակները հեռացնելու  աշխատանքին միացել էին Եգիպտոսի ռազմածովային նավատորմի զինծառայողները եւ տասնյակ կամավորներ: Ըստ Ալեքսանդրիայի իշխանությունների ստեղծած տեխնիկական հանձնաժողովի հրահանգի` անվտանգության նկատառումներով հարեւան տներից տարհանվել են բոլոր բնակիչները: 

Մաամուրում փլուզված բնակելի շենքը կառուցվել էր հինգ տարի առաջ՝ առանց անհրաժեշտ փաստաթղթերի, այնտեղ եգիպտական 24 ընտանիք էր բնակվում: