նախընտրելի դարձնել
ՄԱԿ-ի Անվտանգության խորհուրդը դատապարտել է Ալժիրի Ին Ամենաս գազային օբյեկտում պատանդների առեւանգման դեպքը:
«ՄԱԿ-ի ԱԽ-ն ամենավճռական կերպով դատապարտում է Ին Ամենասում ահաբեկչությունը: Խորհուրդը նաեւ իր համակրանքն ու ցավակցությունն է հայտնում այդ ստոր արարքի զոհերն, ինչպես նաեւ Ալժիրի ժողովրդին ու կառավարությանը»,-նշվում է ՄԱԿ-ի հայտարարուոյան մեջ, մեջբերում է «Ռոսբալտը»:
Նախօրեին Պան Գի Մունի պաշտոնական ներկայացուցիչը հայտարարել է, որ ՄԱԿ-ը կտրուկ դատապարտում է Ալժիրում մի քանի տասնյակ օտարերկրացիների առեւանգման գործողությունները:
Վերջին տվյալներով` Ալժիրի հատուկ նշանակայինները ընդահանուր առմամբ 11 արմատական իսլամիստի էին ոչնչացրել, ովքեր հարձակվել էին գազային օբյեկտի վրա: Նրանց թվում է եղել նաեւ խմբի առաջնորդը` Թահեր բեն Շանաբան:
Հիշեցնենք, որ զինված իսլամիստները Ին Ամենասի հանքավայրի վրա գրոհել էին հունվարի 16-ին` պատանդ վերցնելով ընկերության մի քանի հարյուր աշխատակիցների: Ալժիրյան բանակի գրոհի արդյունքում զոհվել էր նաեւ 12 պատանդ:
